Search the blog
Custom Search
യേശുവിനെ ഒറ്റിക്കൊടുത്തവനും സ്വർഗ്ഗത്തിൽ..!
posted by Beemapally Beemapallyblog
ഒരു പ്രവാചകന്‍ ദൈവത്തിന്റെ നിർദ്ദേശപ്രകാരമാണോ സംസാരിക്കുന്നത് എന്ന് അറിയുവാനുള്ള മാനദണ്ഡമായി ബൈബിൾ പറയുന്നത് ആ പ്രാവാചകന്റെ പ്രവചനങ്ങളുടെ പൂർ‍ത്തീകരണമാണ്. ആവർ‍ത്തന പുസ്തകം പറയുന്നത് കാണൂക.
.jpg)
'ഒരു പ്രവാചകന്‍ കര്‍ത്താവിന്റെ നാമത്തില്‍ സംസാരിച്ചിട്ട് ആ വചനം യാഥാര്‍ഥ്യമാകാതിരിക്കുകയോ സംഭവിക്കാതിരിക്കുകയോ ചെയ്താൽ ആ വചനം
കർ‍ത്താവ് അരുൾ ചെയ്തിട്ടുള്ളതല്ല. പ്രവാചകൻ അത് തോന്ന്യാസമായി
പറഞ്ഞതാണ്. നീ അയാളെ ഭയപ്പെടേണ്ടതില്ല' (ബൈബിൾ -ആവർ‍ത്തനം 18:22).
പ്രവാചകന്മാരെ തിരിച്ചറിയുന്നതിന് ബൈബിളിൽ നിർദ്ദേശിക്കപ്പെട്ട ഈ മാനദണ്ഡങ്ങളുടെ അടിസ്ഥാനത്തിൽ ഇന്ന് നിലനിൽക്കുന്ന ബൈബിൾ പരിശോധനയ്ക്ക് വിധേയമാക്കിയാൽ പ്രവാചകന്മാരുടേതല്ലാത്ത വചനങ്ങൾ അവരിൽ ആരോപിക്കപ്പെട്ടിട്ടുണ്ടോയെന്ന് മനസ്സിലാക്കാന്‍ കഴിയും.
ബൈബിൾ പുതിയ നിയമത്തിൽ യേശുവിന്റേതായി ഉദ്ധരിക്കപ്പെട്ടിട്ടുള്ള പല പ്രവചനങ്ങളും പൂർ‍ത്തീകരിക്കപ്പെട്ടിട്ടില്ലെന്ന് സൂക്ഷ്മ വിശകലനത്തില്‍ നിന്ന്
ആര്‍ക്കും ബോധ്യമാകും. യേശുവിന്റേതായി മത്തായി ഉദ്ധരിക്കുന്ന ഒരു പ്രവചനം നോക്കുക.
'സത്യമായി ഞാന്‍ നിങ്ങളോട് പറയുന്നു. യുഗസമാപ്തിയിലെ പുനർ‍ജീവിതത്തിൽ,
മനുഷ്യപുത്രൻ തന്റെ സിംഹാസനത്തിൽ ഉപവിഷ്ടനാകുമ്പോൾ, എന്നെ അനുഗമിച്ച നിങ്ങൾ ഇസ്രായേലിലെ പന്ത്രണ്ടു ഗോത്രങ്ങളെ വിധിച്ചുകൊണ്ട്
പന്ത്രണ്ട് സിംഹാസനത്തില്‍ ഇരിക്കും' (മത്തായി 19:28)
യേശു ഈ പ്രവചനം നടത്തുന്നത് തന്റെ ശിഷ്യന്മാരായ അപ്പോസ്തലന്മാരെക്കുറിച്ചാണ്. ആരൊക്കെയാണ് ഈ പന്ത്രണ്ട് അപ്പോസ്തലന്മാര്‍? ബൈബിള്‍ തന്നെ പറയുയട്ടെ.
'ഒന്നാമൻ പത്രൊസ് എന്നു പേരുള്ള ശിമോൻ , അവന്റെ സഹോദരൻ അന്ത്രെയാസ്, സെബെദിയുടെ മകൻ യാക്കോബ്, അവന്റെ സഹോദരൻ യോഹന്നാൻ , ഫിലിപ്പൊസ്, ബർത്തൊലൊമായി, തോമസ്, ചുങ്കക്കാരൻ മത്തായി, അല്ഫായുടെ മകൻ യാക്കോബ്, തദ്ദായി, ശിമോൻ , യേശുവിനെ കാണിച്ചുകൊടുത്ത ഈസ്കര്യോത്താ യൂദാ' (മത്തായി10:2-4)
ഇവിടെ പറയുന്ന യേശുവിന്റെ പന്ത്രണ്ട് ശിഷ്യന്മാരില്‍ ഒരാളാണ് അദ്ദേഹത്തെ ഒറ്റിക്കൊടുത്ത ഈ യൂദാസ്. മരണാനന്തര സ്വർ‍ഗീയ ജീവിതത്തിൽ ഈ യൂദാസ് അടക്കമുള്ള പന്ത്രണ്ട് ശിഷ്യന്മാര്‍ ഇസ്രായേലിന്റെ പന്ത്രണ്ട്
ഗോത്രങ്ങളെവിധിച്ചുകൊണ്ട് പന്ത്രണ്ട് സിംഹാസനങ്ങളില്‍ ഇരിക്കുമെന്ന് യേശുപ്രവചിച്ചുവെന്നാണ് മത്തായി പറയുന്നത്.
ദൈവദാസനായ യേശുവിനെ ഒറ്റികൊടുക്കുക വഴി ദൈവകോപത്തിന് നിമിത്തമായവനായാണ് സുവിശേഷങ്ങളുടെ അവസാനഭാഗവും അപ്പോസ്തല പ്രവര്‍ത്തികളുമെല്ലാം യൂദാസിനെ പരിചയപ്പെടുത്തുന്നത്.
അപ്പോസ്തല പ്രവർ‍ത്തികളിലെ ചില വരികള്‍ കാണൂ.
'അവൻ അനീതിയുടെ കൂലികൊണ്ടു ഒരു നിലം മേടിച്ചു തലകീഴായി വീണു നടുവെ പിളർന്നു അവന്റെ കുടലെല്ലാം തുറിച്ചുപോയി. സങ്കീർത്തനപുസ്തകത്തിൽ: “അവന്റെ വാസസ്ഥലം ശുന്യമായിപ്പോകട്ടെ; അതിൽ ആരും പാർക്കാതിരിക്കട്ടെ” എന്നും “അവന്റെ അദ്ധ്യക്ഷസ്ഥാനം മാറ്റൊരുത്തന്നു
ലഭിക്കട്ടെ” എന്നും എഴുതിയിരിക്കുന്നു'(അപ്പോസ്തല പ്രവർ‍ത്തികൾ 1-18,20)
യേശുപോലും തന്നെ ഒറ്റികൊടുത്തവരെക്കുറിച്ച് പറയുന്നത്
'മനുഷ്യപുത്രനെ ഒറ്റിക്കൊടുക്കുന്നവനാരോ, ഹാ അവനു ദുരിതം. ജനിക്കാതിരുന്നെങ്കില്‍ അവനു നന്നായിരുന്നു' (മത്തായി 26:24) എന്നാണ്.
സ്വന്തം ഗുരുവിനെ ഒറ്റികൊടുത്തുകൊണ്ട് ശാപഗ്രസ്ഥനായ യൂദാസ് പുനരുത്ഥാനനാളില്‍ ഇസ്രായീലിന്റെ ഒരു ഗോത്രത്തിന് ന്യായം വിധിച്ചുകൊണ്ട്
സ്വര്‍ഗ്ഗ സിംഹാസനത്തിലിരിക്കുമെന്നോ? ഈ വിഡ്ഢിത്തമാണ് ബൈബിൾ പറയുന്നത്.
യേശുവിന്റെ കാലത്തുതന്നെ ഈ പ്രവചനം പൊളിഞ്ഞുവെന്നല്ലേ ഇതിനർ‍ത്ഥം.!
മനുഷ്യന്റെ കൈകടത്തലുകൾക്കു വിധേയമായിട്ടുള്ള ഇത്തരം മത ഗ്രന്ഥങ്ങൾ പ്രവാചക പ്രബോധനങ്ങളും ദൈവീക വചനങ്ങളും നേർമാർഗ്ഗം പഠിക്കുവാനായി മനുഷ്യർ എങ്ങിനെയാണ് ആശ്രയിക്കുക..?
ഇവിടെയും മുസല്മാനാണ് ജയിക്കുന്നത് - എന്തെ സംശയമുണ്ടോ.?
posted by Anzar Thevalakkara
സത്യത്തില്‍, മുസ്ലിം ആയ എനിക്ക് തന്നെ പലപ്പോഴും മുസ്ലിംകളില്‍ ഉള്ള ചിലരുടെ പ്രവര്‍ത്തികള്‍ കാരണം ചിലപ്പോഴൊക്കെ അഭിനവ 'മുസ്ലിം' സമൂഹത്തോട് കുറെയൊക്കെ വെറുപ്പ്‌ തോന്നിയിട്ടുണ്ട്.മറ്റു സമുദായങ്ങളെക്കാള്‍ എന്‍റെ സമുദായം സാംസ്കാരികമായും സ്വഭാവ മഹിമയിലും ഒരു പാട് പിറകില്‍ ആണോ എന്ന് സംശയിച്ചിട്ടുണ്ട് ,എന്നാല്‍ ഇപ്പോള്‍ എന്‍റെ സമുദായതെക്കുരിച്ചു ഓര്‍ത്തു കുറച്ചു അഭിമാനം തോനുന്നു .കാരണം ....
ഒരു പാട് കുറ്റങ്ങളും കുറവുകളും ഉണ്ടെങ്കില് കൂടി എന്‍റെ സമുദായതില്പെട്ടവര്‍ ഒരിക്കലും ,ഒരാള്‍ അല്ലെങ്കില്‍ ഒരു ചെറിയ ആള്‍ കൂട്ടം ചെയ്ത പ്രവര്‍ത്തികള്‍ കാരണം മറ്റൊരു മതത്തെ പ്രതിക്കൂട്ടില്‍ കയറ്റി ആ മത വിശ്വാസികളെ മുഴുവന്‍ ഭീകര വാദികള്‍ എന്ന് വിളിച്ചിട്ടില്ല .ബ്രിട്ടീഷുകാരും അമേരിക്കക്കാരും ചെയ്ത ക്രൂരതകളെ ക്രിസ്തു മതത്തോട് ചേര്‍ത്ത് പറയാതെ ആ തെറ്റുകള്‍ 'അമേരിക്കയുടെയും ബ്രിട്ടന്റെയും' തെറ്റായി തന്നെ കണ്ട് ആ മത വിശ്വാസികളില്‍ ഒരാളെ പോലും അതിന്‍റെ പേരില്‍ വാക്ക് കൊണ്ടോ പ്രവര്‍ത്തി കൊണ്ടോ നോവിച്ചിട്ടില്ല .
'ഗുജരാത്തുകളും' 'ഭീവണ്ടികളും' 'ബോംബെകളും' സൃഷ്ട്ടിച്ചു മുസ്ലിംകളുടെ കബന്ധങ്ങള്‍ ഭക്ഷിച്ചവര്‍ 'ഹിന്ദു സംസ്കാരത്തില്‍' പെടുന്നവര്‍ എന്നവകാശപ്പെടുന്നവര്‍ ആണെങ്കിലും ഏതെങ്കിലും ഒരു ഹിന്ദുവിനെ പോലും അതിന്‍റെ പേരില്‍ 'തീവ്രവാദി' എന്ന് വിളിചില്ല .അവരെ മുഴുവന്‍ സംശയ ദൃഷ്ട്ടിയോടെ നോക്കിയില്ല .ഏതെങ്കിലും ഒരു മുസ്ലിം ഭൂരിപക്ഷ രാജ്യം അതിന്‍റെ പേരില്‍ ആര്‍ക്കെങ്കിലും വിസ നിഷേധിച്ചുവോ ..?ഏതെങ്കിലും അന്യ മുസ്ലിം രാഷ്ട്രങ്ങള്‍ ബാബരി പള്ളി പൊളിച്ചത് ഹിന്ദു ആണെന്ന് പറഞ്ഞു ഹിന്ദുക്കള്‍ക്ക് 'അമേരിക്കന്‍ മോഡല്‍ 'പ്രത്യേക ദേഹ പരിശോധന ഏര്‍പ്പെടുതിയോ..?
സ്വന്തം സ്വത്വതെക്കാള്‍ കൂടുതല്‍ സ്നേഹിക്കുന്ന പ്രവാചകനെ പലപ്പോഴും ലോക തലത്തില്‍ എന്തിനധികം ഈ ഗ്രൂപ്പില്‍ കൂടിപ്പോലും കാരിക്കെച്ചരുകളില്‍ കൂടിയോ ചിത്രങ്ങളില്‍ കൂടിയോ അവഹെളിച്ചപ്പോള്‍ പകരത്തിനു പകരമായി ഏതെന്കിലും മറ്റു മത ആചര്യന്മാരുടെ ചിത്രങ്ങളെയോ ജീവിതതെയോ അവഹെളിച്ചുവോ..?
മഫ്ത ഇട്ടുവരാന്‍ അനുവദിക്കാത്ത ക്രിസ്ത്യന്‍ മനെജ്മെന്റുകല്‍ക്കെതിരെ പ്രതികാരം ചെയ്യാന്‍ മുസ്ലിം മുസ്ലിം മാനേജ്മെന്റ് സ്കൂളുകള്‍ ഹിന്ടുക്കുട്ടികള്‍ പൊട്ടു തൊടരുത് എന്നും ക്രിസ്ത്യാനികള്‍ കുരിശുമാല ധരിക്കരുത് എന്നും ഉഗ്ര ശാസന ഇറക്കിയോ..?
ഇല്ല,
ഇറക്കില്ല ...!!
''ഒരു വിഭാഗത്തോടുള്ള പക അവരോടു അനീതി കാണിക്കാന്‍ നിങ്ങളെ പ്രേരിപ്പിക്കരുത്'' എന്നും 'ഒരാള്‍ ചെയ്ത തെറ്റിന് അവരുടെ സമൂഹം കുറ്റക്കാര്‍ അല്ല' എന്നും അവരെ പഠിപ്പിച്ചത് ഇസ്ലാം ആണ് ,ആ മൂല്യങ്ങള്‍ അല്‍പ്പമെന്കിലും ബാക്കി നില്‍ക്കുന്നിടത്തോളം കാലം എന്തൊക്കെ ജീര്‍ണ്ണതകള്‍ ഉണ്ടായാലും ഇസ്ലാമിന്‍റെ ശത്രുക്കള്‍ മുസ്ലിംകളുടെ ഭാഗത്ത്‌ നിന്നും അനീതി പ്രതീക്ഷിക്കേണ്ടതില്ല ..
നിങ്ങള്‍ അക്രമം കാണിച്ചാല്‍ പ്രതികരിക്കും ... പക്ഷെ തിരിച്ചു അനീതി പ്രതീക്ഷിക്കരുത് ,
കന്യാ"സ്ത്രീ" ?? സ്ത്രീത്വം ക്രൂശിക്കപ്പെടുമ്പോള്‍
posted by Ashkar Lessirey
ലോകത്ത് ഏറ്റവും കൂടുതല്‍ കാരുണ്യവും ദയയും പ്രഘോഷണം ചെയ്യുന്നവരാണ് ക്രൈസ്തവ സുഹൃത്തുക്കള്‍, എന്നാല്‍ അവര്‍ക്കിടയില്‍ തന്നെ ജീവിക്കുന്ന കന്യാസ്ത്രീകളുടെ അവസ്ഥകളെ കുറിച്ച് ആരും എന്തെ ശബ്ദിക്കുന്നില്ല ?
അറിഞ്ഞ കാര്യങ്ങള്‍ മനസ്സിനെ വളരെ അലട്ടുന്നതായിരുന്നു !! ഇത്രയധികം സ്വാതന്ത്ര്യവും മനുഷ്യാവകാശവും നിഷേധിക്കപ്പെട്ട ഒരു വര്‍ഗ്ഗം ഈ ഭൂമുഖത്തുണ്ടാവില്ല !!
ലൈംഗികത:
പല സഭകളിലും വിവാഹം കഴിക്കാനുള്ള അവകാശം അച്ച്ചന്മാര്‍ക്കുന്ടെങ്കിലും കന്യാസ്ത്രീകള്‍ക്ക് എന്ത് അര്‍ത്ഥത്തില്‍ ആണ് ഇവര്‍ നിഷിധമാകുന്നത് ?
ആരാണ് ദൈവം പോലും ആവശ്യപ്പെടാത്ത ഇത്തരം കിരാതവും പ്രാകൃതവുമായ നിയമങ്ങള്‍ ഉണ്ടാക്കിയത് ? ഇതൊക്കെ ഈ പരിഷ്കൃത ലോകത്ത് നടക്കുമ്പോഴും ഒരു മനുഷ്യജീവി പോലും ഇവര്‍ക്ക് വേണ്ടി ശബ്ദിക്കുന്നില്ല എന്നത് ഭയാനകമാണ്.. ക്രൈസ്തവ സഭകളില്‍ നടക്കുന്ന ലൈംഗിക അരാജകത്വത്തിന്‍റെ കാരണം അവര്‍ക്ക് നിഷേധിക്കപ്പെട്ട ലൈംഗികാവകാശങ്ങള്‍ അല്ലാതെ മറ്റെന്താണ് ??
സ്വത്തും സമ്പാദ്യവും:
വീട്ടില്‍ എത്ര വലിയ ദാരിദ്ര്യമുണ്ടെങ്കിലും തങ്ങള്‍ ചോര നീരാക്കി കിട്ടുന്ന ശമ്പളത്തില്‍ നിന്ന് അവര്‍ക്ക് വേണ്ടി എന്തെങ്കിലും നീക്കി വക്കാന്‍ സഭ അനുവദിക്കാത്തത് ഏതു വേദ പുസ്തകത്തില്‍ പറഞ്ഞതിന്റെ പേരിലാണ് ? അവര്‍ അടിമകളെ പോലെ പണിയെടുത്ത് കിട്ടുന്നതെല്ലാം സഭയക്ക് തന്നെ !!
അവര്‍ക്ക് സ്വത്ത്‌ സമ്പാദിക്കാന്‍ അവകാശമില്ല, അനന്തരാവകാശ സ്വത്തിലും അവര്‍ക്ക് പങ്കില്ല.. ഇത് എന്ത് നീതിയാണ് ??
കുടുംബ ജീവിതം:
കന്യാസ്ത്രീകള്‍ക്ക് കുടുംബ സ്വത്തില്‍ അവകാശമില്ല.. വാര്‍ധക്യ കാലത്ത് സ്വന്തം ബന്ധുക്കളുടെ സാമീപ്യവും പരിചരണവും ആഗ്രഹിക്കുന്ന സമയത്ത് പോലും ഒരു വൃദ്ധ സദനത്തിലെ അന്തേവാസികളെ പോലെ നരകതുല്യമായി കഴിയേണ്ടി വരുന്നത് വളരെ ദയനീയമാണ് !
വസ്ത്ര സ്വാതന്ത്ര്യം:
ഇവര്‍ക്ക് നിര്‍ബന്ധമാക്കിയിട്ടുള്ള ഈ വസ്ത്രം മാന്യതയുടെയും വിശുദ്ധിയുടെയും ഭാഗമാണെങ്കില്‍ എന്ത് കൊണ്ട് മറ്റ് ക്രിസ്തീയ വനിതകള്‍ക്ക് ബാധകമല്ല ? ഇതേ ഉദ്ദേശത്തോടു കൂടെയുള്ള ഇസ്ലാമിലെ സ്ത്രീകളുടെ വേഷ വിതാനം മുസ്ലീം സ്ത്രീകള്‍ പാലിക്കുന്നുണ്ടെങ്കിലും അവര്‍ക്ക് ഒരു യൂണിഫോം ജീവിതകാലം മുഴുവന്‍ പാലിക്കണം എന്ന നിയമമില്ല, പരിധികള്‍ പാലിക്കുന്ന ഏതു വേഷവും അവര്‍ക്ക് ധരിക്കാനുള്ള അവകാശമുണ്ട് എന്നത് ഇവിടെ പ്രസക്തമാണ്.
കന്യാ സ്ത്രീകളുമായി വളരെ സാമ്യമുള്ള വേഷം ധരിക്കുന്ന മുസ്ലീം സ്ത്രീകള്‍ എല്ലാ വിധ അവകാശങ്ങളും ലൌകിക സുഖങ്ങളും അനുഭവിച്ചു ജീവിക്കുന്നത് കണ്ടു നില്‍ക്കാന്‍ പറ്റാതെയാണ് ചില സ്കൂളുകളില്‍ മുസ്ലീം സ്ത്രീകളുടെ തലയില്‍ തട്ടം പാടില്ല എന്ന വാശി പിടിക്കുന്നത് എന്ന് ചിലര്‍ പറയുന്നത് അസ്ഥാനത്താണോ ? അവര്‍ക്കുമില്ലേ ആഗ്രഹങ്ങള്‍ !
സ്വാതന്ത്ര്യം:
ഇതൊക്കെ ഇവര്‍ സ്വയം തിരഞ്ഞെടുക്കുന്നതല്ലേ എന്ന് ചിലര്‍ക്ക് തോന്നുന്നുണ്ടാവും. യഥാര്‍ത്യവുമായി എത്രത്തോളം ബന്ധമുണ്ട് ആ വാദത്തിന് ?
സാമ്പത്തികമായി മുന്നാക്കം നില്‍ക്കുന്ന എത്ര കുടുംബങ്ങളില്‍ നിന്നും കന്യാസ്ത്രീകള്‍ വരുന്നുണ്ട് ? വകതിരിവില്ലാത്ത പ്രായത്തില്‍ തന്നെ മഠത്തില്‍ കൊണ്ട് ചേര്‍ക്കുന്ന എത്ര പേര്‍ക്ക് ഇത് "സ്വയം" തിരഞ്ഞെടുക്കാനുള്ള സ്വാതന്ത്ര്യമുണ്ട് ? കര്‍ത്താവിന്റെ മണവാട്ടിയായി തിരുവസ്ത്രം അണിഞ്ഞു കഴിഞ്ഞാല്‍ ഒരു സാധാരണ ജീവിതത്തിലേക്കുള്ള ഒരു തിരിച്ചു വരവ് അവര്‍ക്ക് സാധ്യമാണോ ? സ്വന്തം വീട്ടുകാര്‍ അവരെ തിരിച്ചെടുക്കുമോ ? സമുദായം സ്വീകരിക്കുമോ ? തെമ്മാടിക്കുഴിയിലെ അന്ത്യവിശ്രമം ആരാണ് ആഗ്രഹിക്കുക ?
എന്തുകൊണ്ടാണ് അച്ചന്മാരേക്കാള്‍ എത്രയോ മടങ്ങ്‌ കന്യാസ്ത്രീകളെ കാണാന്‍ കഴിയുന്നത് ? മതപരമായ കാര്യങ്ങള്‍ക്ക് ഇവരുടെ ആവശ്യവുമില്ല. സഭയുടെ മേലാളന്മാര്‍ തിന്നും കുടിച്ചും തീര്ത്തിട്ടും തീരാതെ സഭകളില്‍ കുമിഞ്ഞു കൂടി കിടക്കുന്ന സമ്പത്ത് ഇവരുടെ വിയര്‍പ്പും കണ്ണീരുമല്ലേ ? ഇതുപോലുള്ള ടെഡിക്കേറ്റഡ് ഹ്യൂമന്‍ റിസോര്‍സ് വേറെ എവിടെ നിന്ന് കിട്ടും ?
" സ്ത്രീ മൌനമായിരുന്നു പൂർണ്ണാനുസരണത്തോടും കൂടെ പഠിക്കട്ടെ.മൌനമായിരിപ്പാൻ അല്ലാതെ ഉപദേശിപ്പാനോ പുരുഷന്റെമേൽ അധികാരം നടത്തുവാനോ ഞാൻ സ്ത്രീയെ അനുവദിക്കുന്നില്ല. (I Timothy 2:11-14) " - - എന്ന ബൈബിള്‍ വചനം നല്ലപോലെ മേലാളന്മാര്‍ ദുരുപയോഗം ചെയ്ത് ചൂഷണം ചെയ്യുകയല്ലേ ?
ഓര്‍ഫനേജുകളിലെത്തുന്ന പിഞ്ചുപെണ്‍കുഞ്ഞുങ്ങള്‍ പിന്നീട് അവര്‍ എന്തായിതീരുന്നു എന്ന് ആരെങ്കിലും അന്വേഷിച്ചിട്ടുണ്ടോ ? എത്രപേര്‍ ഇതുപോലെ മഠങ്ങളില്‍ ജീവിതം മുരടിച്ചു തീര്‍ക്കുന്നു ?
നമ്മുടെ രാജ്യത്ത് ഇപ്പോഴും നിലനില്‍ക്കുന്നുണ്ടെങ്കിലും, നിയമത്തിന്‍റെ കണ്ണില്‍ നിരോധിക്കപ്പെട്ട ദേവദാസി സമ്പ്രദായത്തിലെ സ്ത്രീകളേക്കാള്‍ അവകാശങ്ങളുടെ കാര്യത്തില്‍ എത്രയോ പരിതാപകരമാണ് കന്യാസ്ത്രീകളുടെ അവസ്ഥ !! പലപ്പോഴും അടിമകള്‍ക്ക് ലഭിക്കുന്ന അവകാശങ്ങള്‍ പോലും ഇവര്‍ക്ക് നിഷേധിക്കപ്പെട്ടിട്ടും സാംസ്കാരിക നായകന്മാരും ഫേസ്ബുക്ക് ബുജികളും ആരും തന്നെ ഇവരുടെ ഈ ദയനീയമായ അവസ്ഥക്ക് എതിരെ ശബ്ദിക്കുന്നില്ല എന്നത് ഒരു മഹാ ദുരന്തമാണ് !!
ലൈംഗികത, കുടുംബ ജീവിതം, അനന്തരാവകാശം, സന്താന സൗഭാഗ്യം, എന്തിനു സ്വത്തു സമ്പാധിക്കാനുള്ള അവകാശങ്ങള്‍ വരെ എന്തിനാണ് ഇവര്‍ക്ക് നിഷേധിക്കുന്നത് ?
ഇന്ത്യയില്‍ സതിയും ദേവദാസി സമ്പ്രദായവും നിരോധിച്ചതുപോലെ, ശൈശവ വിവാഹം നിരോധിച്ചതുപോലെ, ദൈവം പോലും ആവശ്യപ്പെടാത്ത ഈ കാടന്‍ ആചാരങ്ങള്‍ നിരോധിച്ചില്ലെങ്കിലും ഇവര്‍ക്കുള്ള മനുഷ്യാവകാശങ്ങള്‍ സംരക്ഷിക്കാനെങ്കിലും ആരെങ്കിലും എന്നെങ്കിലും ശബ്ദമുയര്‍ത്താന്‍ ഉണ്ടാകുമോ ?????
ഇതിനായി സബ്‌സ്ക്രൈബ് ചെയ്ത:
പോസ്റ്റുകള്‍ (Atom)
link
