Search the blog

Custom Search

ആപ്പ് ആര്‍ക്കാണ് ആപ്പ് വയ്ക്കുന്നത്?



Mtp Rafeek
----------------------------------------
ബി.ജെ.പിക്കും കോണ്‍ഗ്രസിനുമെതിരേ ഇന്ത്യയില്‍ ശക്തമായ ജനവികാരം ഉയര്‍ന്നു വന്നുകൊണ്ടിരിക്കുന്നു. പ്രത്യേകിച്ചും ദലിത്-ന്യൂനപക്ഷ-ആദിവാസി വിഭാഗങ്ങള്‍ക്കിടയില്‍. ഹിന്ദുത്വ വര്‍ഗീയതയുടെ കാര്യത്തിലും ആദിവാസി-ദലിത്-ന്യൂനപക്ഷ വിഷയങ്ങളിലുമുള്ള നിലപാടുകളില്‍ ഏറ്റക്കുറച്ചിലുണ്ടാകാമെന്നല്ലാതെ രണ്ട് കൂട്ടരും തമ്മില്‍ വലിയ വ്യത്യാസമില്ലെന്ന് ഇതിനകം തെളിഞ്ഞതാണ്. അത് കൊണ്ട് തന്നെ ഇരുകൂട്ടര്‍ക്കുമെതിരേ അടിച്ചമര്‍ത്തപ്പെട്ട വിഭാഗങ്ങളുടെ ഒരു ഐക്യനിര വളര്‍ന്നുവരുന്ന സാഹചര്യത്തിലാണ് ആപ്പ് പൊട്ടിമുളക്കുന്നത്. എപ്പോഴും വലതുപക്ഷ താല്‍പര്യങ്ങളെ പിന്തുണച്ചിരുന്ന കോര്‍പ്പറേറ്റുകളാല്‍ നിയന്ത്രിക്കപ്പെടുന്ന മാധ്യമങ്ങള്‍ ആപ്പിന് നല്‍കി വരുന്ന അമിത പ്രാധാന്യം കാണുമ്പോള്‍ എവിടെയോ എന്തോ ചീഞ്ഞു നാറുന്നില്ലേ. ബി.ജെ.പിക്കും കോണ്‍ഗ്രസിനും ബദല്‍ എന്ന മട്ടില്‍ ആപ്പിനെ ഉയര്‍ത്തിക്കൊണ്ട് വന്ന് ദലിത്-ന്യൂനപക്ഷ-ആദിവാസി വിഭാഗങ്ങള്‍ക്കിടയിലുണ്ടായിട്ടുള്ള ഉണര്‍വിനെ വഴിതിരിച്ച് വിടുകയാണ് കോര്‍പറേറ്റുകള്‍ ലക്ഷ്യമിടുന്നതെന്ന് സംശയിക്കാന്‍ ന്യായമില്ലേ. അഴിമതി മാത്രമാണ് ഇന്ത്യയിലെ പ്രശ്‌നം എന്ന മട്ടിലുള്ള ആപ്പിന്റെ പ്രചാരണവും സംശയാസ്പദമാണ്.

സ്റ്റുഡന്റ് ഫ്രട്ടേണിറ്റി സ്റ്റുഡന്റ് ഓറിയന്റേഷന്‍ ക്യാംപ് – 2013 സംഘടിപ്പിക്കുന്നു.



ദോഹ: ഖത്തര്‍ ഇന്ത്യ ഫ്രട്ടേണിറ്റി ഫോറം വിദ്യാര്‍ത്ഥി വിഭാഗമായ സ്റ്റുഡന്റ് ഫ്രട്ടേണിറ്റി; ആക്സസ് ഗൈഡൻസ് ഇന്ത്യയുമായി (അഡ്വാൻസ്ഡ് സെന്റർ ഫോർ കരിയർ എഡുകേഷൻ ആൻഡ് സോഷ്യല്‍ സർവീസ്-ഇന്ത്യ Advanced Centre for Career Education and Social Service) സഹകരിച്ചുകൊണ്ട് വിദ്യാര്‍ത്ഥികള്‍ക്കായി ദ്വിദിന സ്റ്റുഡന്റ് ഓറിയന്റേഷന്‍ ക്യാംപ് (എസ്.ഒ.സി) സംഘടിപ്പിക്കുന്നു. ഡിസംബർ 27,28 വെള്ളി, ശനി ദിനങ്ങളിലായാണ് ക്യാംപ് നടക്കുന്നത്. 

വിദ്യാര്‍ത്ഥികളില്‍ പോസിറ്റിവ് മനോഭാവവും ആത്മവിവിശ്വാസവും നല്ല സൗഹൃദങ്ങളും വളര്‍ത്തിയെടുക്കുക, ഫലപ്രദവും ഉപകാരപ്രദവുമായ പഠനരീതികള്‍ പരിചയപ്പെടുത്തുക, സർഗ്ഗാത്മകത വളർത്തികൊണ്ടുവരിക എന്നിവക്കൊപ്പം ധാർമ്മികതയിൽ ഊന്നിക്കൊണ്ടുള്ള വ്യക്തിത്വ-നേതൃത്വ വികസന പരിശീലനമാണ് ക്യാംപ് ലക്ഷ്യമിടുന്നത്.. 

നിശ്ചിത അഡ്മിഷന്‍ മാത്രമുള്ള ക്യാംപില്‍ 9,10,11,12 ക്ലാസുകളില്‍ പഠിക്കുന്ന ആണ്‍ കുട്ടികള്‍ക്കും പെണ്‍ കുട്ടികള്‍ക്കും പങ്കെടുക്കാവുന്നതാണ്. ആക്സസ് ഇന്ത്യ കോ-ഓര്‍ഡിനേറ്റര്‍ ഡോ: അബ്ദുല്‍ വഹാബ്, ഡോ: അനസ് നിലമ്പൂര്‍ , ഡോ: സി.കെ അബ്ദുല്ല എന്നിവര്‍ ക്യാംപിനു നേതൃത്വം നല്കും.രജിസ്ട്രേഷനും കൂടുതല്‍ വിവരങ്ങള്‍ക്കും 77664147, 70056833 എന്നീ നമ്പറുകളിലോ sffqatar@gmail.com എന്ന ഇമെയില്‍ വിലാസത്തിലോ ബന്ധപ്പെടണമെന്ന് സംഘാടകര്‍ അറിയിച്ചു.

link

Related Posts Plugin for WordPress, Blogger...