posted by Abdu Samad Koottilangadi
- കമ്പ്യൂട്ടറിന്റെ മുംബിൽ ഇരിക്കുന്ന പ്രവാസികൾ പലപ്പോളും ഓണ്‍ലൈനിൽ പരിശോധിക്കുന്ന ഒന്നാണ് ഇന്ത്യൻ രൂപയുടെ മൂല്യവും അതിലെ ഏറ്റകുറച്ചിലുകളും.. വിദേശ കറൻസികളുമായുള്ള വിനിമയ നിരക്കിൽ ഇന്ത്യൻ രൂപയുടെ വാല്യൂ കുത്തനെ ഇടിഞ്ഞു തുടങ്ങിയപ്പോൾ തന്നെ കിട്ടാവുന്ന എല്ലാ ഉറവിടങ്ങളും തേടി ആളുകള് നാട്ടിലേക് പണം "ചവിട്ടി" വിട്ടിരുന്നു.... (സോറി, ഈ ഭാഷ തെക്കനൊ, വടക്കനൊ എന്നറിയില്ല..!).
- ഇന്ത്യൻ സംബത് വ്യവസ്ഥയുടെ തകര്ച്ചയുടെ സൂചികയാണിതെന്നത് സാധാരണ പ്രവാസികൾ ചിന്തിക്കാറില്ല, കാരണം മറ്റൊന്നല്ല, നാട്ടിലെ സർക്കാർ ജോലി ഉള്പെടെ എല്ലാതരം മേഖലകളിലും ഈ കഴിഞ്ഞ പത്തു പതിനഞ്ചു വർഷത്തിനിടയിൽ മൂന്നിരട്ടിയും നാലിരട്ടിയും ശമ്പള വർധനവ്‌ ഉണ്ടായപ്പോൾ മഹാ ഭൂരിപക്ഷം പ്രവാസികൾക്കും ഇങ്ങു ഗൾഫിൽ അതുണ്ടായിട്ടില്ല, ഒപ്പം വില കയറ്റം റോകെറ്റ് വേഗതയിൽ വാനോളം ഉയരുക കൂടെ ച്യ്തതോടെ ജിവിതത്തിന്റെ രണ്ടറ്റവും, മൂന്നറ്റവും മുട്ടിക്കാൻ പാട് പെടുന്ന (ഒരറ്റം ഗള്ഫിലും, രണ്ടാമതൊന്നു സ്വന്തം വീട്ടിലുമാണെങ്കിൽ മറ്റൊരു അറ്റം മക്കൾ പഠിക്കുന്ന ദൂരെ എവിടെയെങ്കിലുമാവും..), പ്രവാസികൾ ചിന്തിക്കുന്നത് എങ്ങിനെയെങ്കിലും നൂറു രൂപ അധികം ലഭിക്കുന്നുണ്ടോ എന്ന് തന്നെയായിരിക്കും..?
ഏതായാലും രൂപയുടെ ഈ ഇടിവിന്റെ തുടക്കത്തിൽ തന്നെ ഉള്ളത് മുഴുവൻ പെറുക്കി നാട്ടിലെകയച്ചവർ ഇപ്പോൾ വീണ്ടും വീണ്ടും നിരക്ക് താഴോട്ടെക് വരുന്നത് കാണുമ്പോൾ "അത്തിപഴം പഴുത്ത നേരം കാകക്ക് വായ പുണ്ണ് " എന്ന പരുവത്തിലായി.. ഒന്നും ഇനി അയക്കാൻ കയ്യിൽ ബാകിയില്ല, അടുത്ത ശമ്പളം തന്നെ ശരണം..
(ഇതിനിടയിൽ സരസനായ ഒരാള് അല്പം ദേശ്യത്തിൽ തന്നെ എവിടെയോ ഇങ്ങിനെ എഴുതിയതും കണ്ടു, പട്ടിയെ കാണുമ്പോൾ കല്ല്‌ കാണില്ല.. ഇപ്പോൾ ഇതാ കല്ല്‌ ഇഷ്ടം പോലെ.. അന്നേരം ഒരു പട്ടി അടുത്തെങ്ങും ഇല്ല..!!)
