posted by : Bin Hussain
കാന്തപുര ശിഷ്യന്റെ "കണ്ടന്സ് " കണ്ടെത്തല്‍ ആട്ടക്കഥ !!!
--------------------------
ട്രീം ...ട്രീം ... കടലും കടന്നെത്തിയ ശബ്ദ വീചികള്‍ . ഇങ്ങേ തലക്കല്‍ ഡി വൈ എസ് പി ഫോണ്‍ എടുത്തു . ഹലോ .. മറുതലക്കല്‍ നിന്ന് ഭവ്യതയോടെ നമ്മുടെ കാന്തപുരം ഉസ്താദിന്റെ ശിഷ്യന്‍ ഷറഫുദ്ദീന്‍ .!! സാര്‍ , ഞാന്‍ ഭൂലോക സുന്നി ശബ്ദത്തിന്റെ (SUNNI GLOBAL VOICE ) റിയാദ്‌ പ്രതിനിധി വിശ്വപ്രസിദ്ധനായ ഷറഫുദ്ധീന്‍ .. മദ്രസ്സയെ കുറിച്ച് സാര്‍ പറഞ്ഞ കമന്റിലെ "കണ്ടന്സ്് " അറിയാന്‍ വേണ്ടി നേരിട്ട് വിളിച്ചതാ .. നിങ്ങളില്‍ നിന്ന് തന്നെ ഒരു കൂട്ടര്‍ അസത്യപ്രചാരകരായി അവസാന നാളുകളില്‍ അവതരിക്കും എന്ന് അന്ത്യ പ്രവാചകന്‍ നല്കിയ മുന്നറിയിപ്പിന്റെ അടിസ്ഥാനത്തില്‍ ഞങ്ങളില്‍ പെട്ടവന്‍ അല്ലാത്ത , അശേഷം കള്ളം പറയാത്ത അങ്ങയില്‍ നിന്ന് തന്നെ വാസ്തവം നേരില്‍ വാരിയെടുക്കാന്‍ ആണ് വിളിച്ചത് !! നജ്ജാശിയിലെ രാജാവ് കള്ളം പറയാത്ത നീതിമാനായിരുന്നു .അങ്ങാണ് കേരള നജ്ജാശി !!
മദ്രസ്സ ഉദ്ഘാടനം ചെയ്യുന്ന കാര്യത്തില്‍ കാന്തപുര പേരോട് മാരെക്കാള്‍ തിരക്ക് പിടിച്ച നമ്മുടെ പോലീസ്‌ ഏമാന്‍ പക്ഷെ ഔദ്യത്യ ബോധം പാലിച്ചു .അങ്ങേര്‍ പറയുന്നു .. ഹേ ഞാന്‍ അങ്ങനെ പറഞ്ഞില്ല .അഥവാ പറയാന്‍ പത്ര സമ്മേളനം വരെ വിളിച്ചില്ല !! അതൊക്കെ ആഗോള തീവ്രവാദികളായ പോപ്പുലര്‍ ഫ്രണ്ട്കാരന്‍ കള്ളം പറയുകയാ . നാറാത്ത് നിന്ന് ഇരുപത്തൊന്നു ഭീകരവാദികളെ പിടിച്ച വിരോധം തീര്ക്കാവന്‍ അവര്‍ പ്രച്ചരിപ്പിക്കയാ .. അങ്ങനെ പ്രച്ചരിപ്പിച്ചവരെയും ഞാന്‍ വെറുതെ വിടില്ല . അവരെയും യു എ പി എ ചാര്ത്തി കേസില്‍ ചേര്‍ക്കും . കേരളം പോലെയുള്ള ഒരു സമാധാന ഉദ്യാനത്തില്‍ വര്‍ഗീയ വിഷം ചുരത്തുന്ന ഒരൊറ്റ എണ്ണത്തിനെയും വിടില്ല !! രാജ്യസ്നേഹത്തില്‍ പ്രചോദിതനായ ഒരു പോലീസ്‌ ഉദ്യോഗസ്ഥന്റെ പ്രഖ്യാപനം ഷറഫുദ്ധീന്റെ ശങ്കിച്ച് നില്ക്കുിന്ന രോമ കൂപങ്ങളെ പോലും ആവേശം കൊള്ളിച്ചു .."അതെ അതെ വേണം സാര്‍ .. സാര്‍ നല്ലവന്‍ "
നാറാത്ത് വിഷയത്തില്‍ കാല്‍ കാശിന്‍റെ ആത്മാര്‍ത്തത കാണിക്കാത്ത കാക്കി നെറികേടുകളെ കുറിച്ചോ , അവസരത്തിനനുസൃതമായി അഹുലുസ്സുന്നത്തില്‍ മായം ചേര്‍ക്കുന്ന ഭൂലോക സുന്നികളുടെ നിലപാടുകളെ കുറിച്ചോ ഞാനീ സമയം ചര്‍ച്ചയെ ചെയ്യുന്നില്ല . അതൊക്കെ വേണ്ട പോലെ എല്ലാവര്ക്കും അറിയാം .പക്ഷെ ഇമ്മിണി ബല്യ സുന്നികളുടെ റിയാദ്‌ ഖോജ ശറഫാക്കപ്പെട്ട ശറഫു സുകുമാരനുമായി പങ്കു വെച്ച ചില കൊമാളിത്തങ്ങളിലെ പരിഹാസ്യത പരിശോധന വിഷയമാക്കെണ്ടതുണ്ട് . കേരളം പോലെയുള്ള സമാധാന സംബുഷ്ട്ടമായ ഭൂമികയില്‍ അസ്വാരസ്യം തീര്‍ക്കുന്നത് പോപ്പുലര്‍ ഫ്രന്റ്‌ ആണെന്നും മുസ്ലിം ലീഗ് പോലെയുള്ള രാഷ്ട്രീയ ശക്തികള്‍ ഇവിടെ പ്രവര്ത്തിച്ചു മുസ്ലിം സമൂഹത്തിന്റെ ആവശ്യം നിറവേറ്റുന്നു ഉണ്ട് എന്നും ശ്രീ സുകുമാരന്‍ പറയുമ്പോള്‍ സര്‍വ സമ്മതമായി " ങ്ങാ ങ്ങാ " പറയുകയും പിന്നീട് സ്വന്തം സംസാരത്തില്‍ അതെടുത്ത് യേറ്റ് പറയുകയും ചെയ്യുന്ന ഗ്ലോബല്‍ സുന്നിക്കാരാ .... പിന്നെ എന്ത് മാങ്ങാ തൊലി കൊണ്ടാ ..നിങ്ങള്‍ ലീഗിനെ തോല്പി ക്കാന്‍ സഖാക്കളെ മൂടും താങ്ങി മലബാറില്‍ നെട്ടോട്ടം ഓടിയത് ? ശിഹാബ്‌ തങ്ങളെ ഇകഴ്ത്തി സംസാരിക്കാന്‍ പരിശീലനം കൊടുത്ത സഖാഫി യൌവനങ്ങളെ മൈക്കിനു മുമ്പിലേക്ക് ബര്‍ക്കത്തും കൊടുത്ത് വിട്ടത് ? മത നിഷേധികള്‍ എന്ന് മതപ്രസങ്ങത്തില്‍ പരിചയപ്പെടുത്തിയ മാര്കിടസ്ടുകാരുടെ മദുഹ് പറയാന്‍ പിന്നീട് നല്ല "വട്ടത്തലയില്‍ക്കെട്ട് " കെട്ടിയ ഉസ്താദിനെ തന്നെ വിട്ടു കൊടുത്തത് ?? അപ്പോള്‍ എന്തെ ലീഗ് നല്ലതാണെന്നും അവരെ നിലനിര്‍ത്തെണ്ടത് ആണെന്നും ഓര്‍മ ഉണ്ടായിരുന്നില്ലേ ?
അമ്പലത്തെക്കാള്‍ വലിയ പ്രതിഷ്ട്ട എന്ന് പറയുംപോലെ ... സ്വന്തം നേതാവ് കാന്തപുരത്തെക്കാള്‍ കാര്യഗൗരവ ബോധം ഉള്ളവര്‍ ആയോ ഷറഫ് ആന്റ് പാര്‍ട്ടി അവതരിപ്പിക്കുന്ന സുന്നി ഗ്ലോബല്‍ ?
അദ്ദേഹം പച്ചക്ക് പറഞ്ഞത് നാറാത്ത് സംഭവത്തില്‍ സുകുമാരനാദി കാവി കാക്കിധാരികള്‍ കളം അറിഞ്ഞു തന്നെ കുളം കലക്കി എന്നാണു . അല്ലെങ്കിലും റിയാദിലെ ഓഫീസ്‌ ഒതുക്കത്തിലിരുന്നു പച്ചപ്പാവങ്ങള്‍ ആയ സാദാ സുന്നികളുടെ സക്കാത്തും സദഖയും വാങ്ങി കംബ്യൂട്ടറിലൂടെയും നെറ്റിലൂടെയും ദീനീ "ദഅവത്ത് " നടത്തുന്ന ശറഫുമാര്‍ എന്തറിഞ്ഞു സുകുമാര പുരാണം ?? ഇതേ കണ്ണൂര്‍ ജില്ലയില്‍ നിന്ന് വളരെ നിഗൂഡവും അതിലേറെ ദുരൂഹതയും നിറഞ്ഞ നാല് ചെറുപ്പക്കാരുടെ തിരോധാനം കാശ്മീര്‍ തീവ്രവാദികളുമായി ബന്ധിപ്പിച്ചു തിരക്കഥ തീര്‍ത്ത അന്നും പറഞ്ഞു ഇയാള്‍ മദ്രസകളെ കുറിച്ചും അവിടെ നിന്ന് പഠിച്ചിറങ്ങുന്നവരുടെ "മനോഭാവങ്ങളെ "കുറിച്ചും . ശറഫുമാര്‍ അത് കാണില്ല കേള്‍ക്കില്ല . മയ്യത്ത് നരകത്തിലേക്ക് ആണെങ്കിലും സ്വര്‍ഗത്തിലേക്ക് ആണെങ്കിലും യാസീന്‍ ഓതിയ മൊല്ലാക്കക്ക് കാശ് കിട്ടിയാല്‍ മതി എന്ന് പറഞ്ഞപോലെ ... ശരഫു കമ്പനിക്ക് ... ഞമ്മളെ സഹായിച്ചവരെ ഞമ്മളും സഹായിക്കും എന്ന "മസ്അല " ആണല്ലോ .. അല്ലെങ്കില്‍ .. നാടൊട്ടുക്കും പള്ളീലച്ചന്‍ മുതല്‍ പരിത്യാഗികള്‍ ആയ സ്വാമിമാര്‍ വരെ ഭാരത മുസ്ലിം യുവത്വം യു എ പി എ പോലെയുള്ള കരി നിയമങ്ങളുടെ കംബിവേലികളില്‍ കിടന്നു പുളയുകയാണ് എന്ന സത്യം ഉച്ചൈസ്തരം പറയുമ്പോള്‍ സന്ഘി കപടതയുടെ കുഴലൂത്തിനായി ഉളുപ്പില്ലാതെ ഫോണ്‍ കാള്‍ നാടകം നടത്തുന്നവരുടെ ഉദ്ദേശം എന്താണ് ?
ഉദാരമതികളായ ഉമ്മത്തിന്റെ ഊണും തൂണും മൃഷ്ട്ടാന്നമായി വെട്ടി വിഴുങ്ങിയിയും അനുഭവിച്ചും വളര്‍ന്നിട്ടിപ്പോള്‍ , മില്ലത്തിന്റെ കദനവും കണ്ണീരും കണ്ടിട്ടും കരള്‍ പിടക്കുന്നില്ല എന്നത് പോകട്ടെ .. മീര്‍ ജാഫരുമാരെ അനുസ്മരിപ്പിക്കുന്ന ഒറ്റുകാരന്റെ റോളില്‍ അവതരിക്കുന്നത് കാണുമ്പോള്‍ ...ആഗ്രഹിക്കുന്നില്ലെങ്കില
ക്രിമിനല്‍ സംഭവങ്ങള്‍ ,, ആര് ചെയ്യട്ടെ ..അതില്‍ മതമോ തരമോ നോക്കേണ്ട .. സുകുമാരന്‍ സാര്‍ മദ്രസയും പള്ളിയും ഒന്നും അവലോകന വിശകലനം നടത്തേണ്ട .. പോലീസ്‌ സര്‍വീസ്‌ ട്രെയിനിഗ് കാലത്ത് പഠിച്ചത് പ്രാവര്‍ത്തികം ആക്കിയാല്‍ മതി . നാറാത്ത് നിന്ന് ഒരു പിണ്ണാക്കും കിട്ടിയില്ല എന്നും അത് മുഴുക്കെ ഒരു തിരക്കഥയുടെ നിന്ദ്യമായ ആവര്‍ത്തന നാടകം മാത്രമായിരുന്നു എന്ന് സത്യസന്ധമായി വിധി എഴുതിയ മനുഷ്യാവകാശ പ്രവര്‍ത്തകരായ അമുസ്ലിം സന്മനസ്സുകള്‍ മദ്രസ്സയില്‍ പോയില്ല .. ഒപ്പം കാലുഷ്യം കലാ മൂല്യത്തോടെ പഠിപ്പിക്കുന്ന സന്ഘികളുടെ "ബാല ശിബിരത്തിലും " പോയില്ല .അത് കൊണ്ടവര്‍ സത്യം പറയുന്നു . രമന്‍ ശ്രീ വാസ്തവയും മേജര്‍ രവിയുമൊക്കെ ബാല്യത്തില്‍ തന്നെ ദേശ സ്നേഹം കരഗതമാക്കിയത് പോലെ സുകുമാരന്‍ സാറും ബാല ശിബിരത്തിന്റെ അരുമ ശിഷ്യന്‍ ആണെങ്കില്‍ അവരെ " സ്വാലിഹ് " (സല്‍വൃത്തന്‍ ) ആക്കാന്‍ ഇറങ്ങിത്തിരിക്കുന്നവന്റെ തലയില്‍ കെട്ടിന്റെ വാലിന്റെ നീളം പൂമ്പാറ്റയിലെ കപീഷ് കുരങ്ങന്റെ വാലിനെക്കാളും നീളം കൂടിയാലും പടപ്പുകളും പടച്ചവനും അതങ്ങീകരിക്കില്ല സത്യം ..
